ÞITT FÓLK ER MITT FÓLK
Þitt fólk er mitt fólk er ný þýdd bók skrifuð af Don Finto og gefin út af Bænahúsinu

Umfjöllun um það hvernig Ísrael, Gyðingar og kristin kirkja eiga eftir að koma saman á síðustu tímum.

Alltof margir telja kristindóminn hafa komið í stað gyðingdóms og að Ísrael standi nú utan áætlunar Guðs.
Bókin Þitt fólk er mitt fólk opinberar áætlun Guðs fyrir sáttmálafólk hans á þessum tímum – og hvaða áhrif þessi opinberun hefur á kirkjuna. Ólíkt því sem Rut gerði í Gamla testamentinu, höfum við mörg hver snúið baki við ættingjum Messíasar og berum sekt aldanna fyrir ofsóknir gegn þeim.

Ísrael er enn og aftur miðpunkturinn í sögu heimsins og bænir okkar fyrir Landinu og fólki þess eru nauðsynlegar. Gerum við sama sáttmálaheit við Ísrael og Rut gerði við Naomí? Það breytir kirkju okkar ef við gerum það.

Yeshua (Jesús) talaði um mörg tákn sem myndu rætast fyrir endatímana. Eitt þessara tákna er einstakt fyrir okkar tíma; Ísraelsríki hefur verið stofnað og Jerúsalem er aftur komin undir stjórn Ísraelsþjóðar.

Árið 1967 var áætlað að það væru um 2000 Gyðingar sem tryðu á Yeshua og það voru engir gyðinglegir messíanskir söfnuðir í heiminum. En umskipti urðu eftir sex daga stríðið þegar Gyðingar tóku yfir Jerúsalem. Í dag eru fleiri hundruð þúsundir Gyðinga sem játa trú á Yeshua og gyðinglegir messíanskir söfnuðir skipta hundruðum. Frá því á fyrstu öld hefur ekki nokkur kynslóð séð svona marga Gyðinga í öllum heimshlutum komast til trúar á Yeshua.

Verð bókar er 3.990 kr.

Hægt að biðja um eintak með því að senda mail á kolbeinn@vonin.ws og á næstu dögum kemur hún í bókabúðir.Þitt fólk er mitt fólk er ný þýdd bók skrifuð af Don Finto og gefin út af Bænahúsinu.

Endurreisn Mulenge

Endurreisnarmót í Minembwe í Austur Kongó. Minembwe er eitt af 20 þorpum í Mulenge héraði sem er í Austur Kongó. Á Mulenge búa um 250.000 manns sem eiga rætur í Tútsa ættbálk frá Rúanda og Búrúndí. Þegar landamæri þessara landa lokuðust varð þessi hirðingahópur innlyksa í Kongó. Þeir hafa verið ofsóttir, verið neitað um ríkisborgararéttindi og lent á milli í stríðinu sem hefur geisað síðustu 10 ár í Austur Kongó. Þeir hafa ekki rafmagn, vegi, samskiptatæki eða aðra tækni.

Við viljum gefa þér tækifæri að vera með í verkinu og sá fjárhagslega í þetta verkefni. Hvert sáðkorn fjármuna skiptir máli fyrir Mulenge hérað í Kongó og getur skipt sköpun fyrir framtíð íbúa landsins.

Styrktarreikningur fyrir trúboð Vonarinnar:
Banki: 135-05-071115
Kt. 460406-1370

Lesa meira»

Varðmenn á múrum sannleikans

Kolbeinn Sigurðsson er búinn að gefa út bók sem heitir; Varðmenn á múrum sannleikans. Þetta er mögnuð og kjarnyrt bók sem fæddist í Afríku. Hún er til í Jötunni, Glætunni og Bókabúð Vegarins.  Einnig er hægt að senda tölvupóst á kolbeinn@vonin.ws og fá hana senda í pósti.

Sáttargjörð
Leynivopn Guðs "Hann skóp þau karl og konu" 1.Mósebók 5:2a Guð er að endurreisa í dag. Við sjáum sáttargjörð milli kynþátta, menningarheima og kirkjudeilda. Grundvöllurinn að endurreisninni er sáttargjörð milli kynjanna, sáttargjörð karls og konu. Ekki aðeins innan hjónabandsins heldur líka innan líkama Krists, kirkjunnar
Sjá nánar á www.aglow.is		Laugardaginn 29. mars verða Bænahúsið og Aglow á Íslandi með námskeið um sáttargjörð. Námskeiðið verður haldið í Safnaðarheimili Grensáskirkju og verður frá klukkan 10-16 og kostar 3.500,- Innifalið í því verði er léttur hádegisverður og námskeiðsgögn. Á námskeiðinu verður farið yfir ýmis mál sem snerta okkur í daglega lífinu.... - Endurreisn áforma Guðs í garðinum... - Ekki gott fyrir manninn að vera    einsamall... - Sköpuð í Hans mynd... - Staða konunnar - á heimili - í kirkjunni... - Undirgefni... - Eiga konur að þegja á   safnaðarsamkomum? - Hjálpin sem Guð sendi... - Almenn samskipti... - Hlutskipti kirkjunnar... Nauðsynlegt er að skrá sig á netfangið landsstjornaglow@gmail.com eða í gsm: 699-1986 (Ella) Ekki missa af þessu tækifæri til að læra og uppfræðast um það sem Guð er að gera í dag.
Kennarar verða Edda Matthíasdóttir Swan, formaður Aglow á Íslandi og hjónin Kolbeinn Sigurðsson og Guðrún Erla Gunnarsdóttir Hann á að vera í himninum allt til þess tíma, þegar Guð endurreisir alla hluti, eins og hann hefur sagt fyrir munn sinna heilögu spámanna frá alda öðli. Postulasagan 3:21

Trúboðsferð til Rúanda og Kongó í janúar 2008 Við Árni Þórðarson og ég Kolbeinn Sigurðsson héldu snemma morguns þann 12. janúar 2008 í trúboðsferð til Afríku. Þegar við komum til London, kom í ljós að miðinn hjá Árna hafði verið bakfærður og peningarnir endurgreiddir inn á kortið. Þetta hafði umboðsskrifstofan gert án þess að senda tölvupóst og láta vita af því. En eftir mikið stress og náðist að kaupa nýja miða fyrir Árna og merkilegt að fargjaldið var aðeins ódýrara en upphaflega hafði verið keypt á netinu. Þegar það var búið að redda þessu þurfti ég að hlaupa til að ná minni vél til Kenýa.		Myndir Rúanada | Congo
Við Árni komum til Nairobí í Kenýa með sitthvorri vélinni snemma morguns þann 13. janúar. Við náðum að breytta miðanum mínum til að við yrðum samferða til Kigali í Rúanda. Þegar við komum til Kigali var farið í gegnum venjulega vegabréfsáritun, en það kostaði okkur 60 $ hvorn. Alfons og María hjá Zion Temple tóku á móti okkur. Þau fóru með okkur á gistihús Amanda sem var ekki nógu hreint og orðið frekar lúið, en sem trúboði er maður vanur ýmsu. Það var skipt um föt og farið beint á samkomu hjá Zion Temple. Við heilsuðum upp á söfnuðinn sem telur eitthvað á milli 12 til 15 þúsund meðlimi. Postulinn Paul Gitwaza predikaði um bænina á þessari samkomu sem var mjög blessað og gott orð. Eftir að hafa fengið sér næringu eftir þessa stund, lögðum við okkur í hálftíma. Nú vorum við nokkuð þreyttir því við vorum búnir að sofa mjög lítið í tvo sólarhringa. Á seinni samkomunni á þessum sunnudegi var ég beðin að predika. Drottinn var búinn að tala við mig um orð til að gefa í Afríku. Það var orð um sáttmálsörk Guðs, nærveru Hans og dýrð Hans. Eftir predikun frelsuðust 13 manns og lækning var á eyrnarverkjum, heyrnarleysi og verkir víðsvegar hjá fólki hurfu. Lesa meira»

Námskeið 9. febrúar Hvað segir tímaklukka Guðs? Þekkir þú heimsmálin út frá Biblíulegu sjónarmiði? Laugardaginn 9. febrúar er þér boðið að slást í hóp þeirra sem skilja köllun Guðs og fyrirheit með þjóð sína og hafa skipað sér í skarðið. Bænahúsið og Aglow sameinast með kennslu um málefni Íslam og Ísrael. Námskeiðið verður haldið í Safnaðarheimili Grensáskirkju og verður frá klukkan 10-16 og kostar 3.500,- Innifalið í því verði er léttur hádegisverður og námskeiðsgögn. Nauðsynlegt er að skrá sig á netfangið aglowisland@gmail.com eða í gsm: 699-1986 Ekki láta þetta tækifæri framhjá þér fara

Fyrirhuguð er trúboðsferð til Afríku í janúar 2008. Á vegum Vonarinnar munu fara Kolbeinn Sigurðsson, Helgi Georgsson og Árni Þórðarson. Farið verður utan 12. janúar og komið heim 29. janúar. Ferðinni verður heitið til Rúanda og Kongó. Þar verða haldnar samkomur sem orði Guðs verður miðlað, beðið fyrir fólki til frelsis og beðið fyrir lækningum. Sérstaklega verður farið inn í frumstæðar aðstæður í Kongó, en þar hefur verið mikil neyð lengi. Óöld hefur ríkt yfir tíu ár á þessum slóðum í Kongó og um fjórar milljónir manna hafa látið lífið í skærum. Við trúum á endurreisn einstaklinga, fyrirgefningarkraft, stórkostlega blessun hins himneska föðurs og mikil lækningasmurning verði til staðar í þessari ferð. Trúboðarnir þurfa að lifa án nútíma þæginda, sem við höfum talið sjálfsagt mál að sé til staðar hér á Íslandi. En það er trú okkar að sá blessun í Afríku, muni líka gefa uppskeru blessunar á Íslandi. Trúsystkini eru beðin að biðja fyrir þessari ferð, að Guð styrki og verndi trúboðana.

Bænahúsið var með námskeið helgina 2 – 4 nóv. 2007 “Bænahús dag og nótt á Íslandi” Kennarar voru: Greg Burnett frá ZHOP Bænahúsinu í Charlotte, USA og Ian Nicholson forstöðumaður frá Guildford, Englandi sem hefur tekið þátt í því að bænahús hafa verið stofnuð víða í Evrópu. Einnig kenndi Jake Farrell lofgjörðarleiðtogi eina kennslustund. Lesa meira»

Bæn og fasta fyrir Íslandi
Fastað verður frá 7. nóvember kl. 18:00 til 10. nóvember kl. 18:00
Vegna þess ætlum við að koma saman á bænastund föstudaginn 9. nóvember kl. 20:00 í húsakynnum Ekrons á Smiðjuvegi 4b, Kópavogi

Nú er tími til að fasta og sjá Ísland vinnast fyrir Krist
Beðið verður sérstaklega fyrir Bænagöngunni 10. nóvember 2007
www.baenaganga.com

Námskeiðið verður í safnaðarheimili Grensáskirkju, Háaleitisbraut 66, Reykjavík
og A. Hansen, Vesturgötu 4, Hafnarfirði.

Dagskrá:
Föstudag kl. 20:00 í safnaðarheimili Grensáskirkju
Laugardag kl. 14:00 til 17:00 í A. Hansen, Hafnarfirði
Sunnudag kl. 14:00 til 17:00 í safnaðarheimili Grensáskirkju
Sunnudag kl. 20:00 í safnaðarheimili Grensáskirkju

Verð fyrir námskeið
2.500 kr. Fyrir einstakling og 4.000 kr. Fyrir hjón. Einstakt skipti 1.000 kr.

Skráning er í síma 699 1986 (Ella) eða með því að senda póst á kolbeinn@vonin.ws